Кізі чӱреен ачытчатхан сомнар
07.09.2023
Хабарлар
Донбасстағы олғаннарның сомнары
Кӧзідіг. Л.Р.Кызласовтың адынаң Хакас национальнай чир-суғ ӱгренҷең музейде «Взрослые истории детей Донбасса» сомнар кӧзідии азылған
Пу кӧзідіг «Память поколений» полызығлығ чыындының проекті полча. Аны иртірерге Президенттің культура пастағлары фонды хабасча. Улуғ тоғыста Россияның 10 городы араласча, оларның санында Ағбан.
Кӧзідігні асханнар Хакасия пазы Валентин Коновалов, республиканың Ӧӧркі Чӧп кнезі Владимир Штыгашев паза регионның культура министрі Светлана Окольникова.
– Чуртастарында ирткен хорғыс Донбасстағы палаларның сағыстарында саңайға халған. Ачырғасха, піс аны хыйа ит полбаспыс. Палалар, неонацисттернің хара киректерін сағыста ал чӧрбин, толдыра чуртаснаң чуртазыннар тіп хабазарға паза оларның олған тузын узарадарға прай кӱзібісті саларға кирекпіс. Кӧзідіг тӧстегҷілеріне пу сомнарны кӧріп аларға оңдай пирген ӱчӱн улуғ алғызым читірчем. Кізі чуртазын ӱсчеткен азымахчылар хатығ нандырыға тартыларлар, – таныхтаан республика пазы Валентин Коновалов.
Донбасстағы палаларның сомнарын кӧріп аларға паза оларның чуртаста полған хорғыстығ киректерінеңер прайзы піліп аларға кирек. Полған на сомда QR-код пар. Анда кічіг матырларның видео пастыра чоохтазиин кӧріп аларға чарир. Кӧзідіг 8 октябрьға теере тикке тоғынар.
Сомнар Хакасия пазы пресс-службазыни
Автор :
Тимнеен Татьяна Топоева
Пн | Вт | Ср | Чт | Пт | Сб | Вс |
29 | 30 | 31 | 1 | 2 | 3 | 4 |
5 | 6 | 7 | 8 | 9 | 10 | 11 |
12 | 13 | 14 | 15 | 16 | 17 | 18 |
19 | 20 | 21 | 22 | 23 | 24 | 25 |
26 | 27 | 28 | 29 | 1 | 2 | 3 |
Кӱн таңмазы
Хакасияда
Россияда
Тилекейде