Хайызығлар тыыдылча
Аалӌылар. Хакасияда ӱртӱн айында Казахстанның паза Хыдаттың делегациялары пол парыбыстылар
Пу неделяда Хакасиязар Хыдат Чон Республиказынаң Ху Маохунның устаанынаң делегация кил парған. Ху Маохун Цзянсу провинцияның Наньтун округының идiнӌектер ассоциациязының вице-президентi полча. Оларға регионның инвестиция проекттерi кöзiдiлген. Ху Маохун iдöк «Тазоба» индустриальнай парктың паза «Харатастағы» промышленность паркының промышленностьха кöрiлген öнетiн орыннарында пол килген, iдöк «Раф сервис» ООО промышленность предприятиезiнiң тоғызынаң танысхан.
Хакасияның экономика тилiзi министрiнiң орынӌызы тоғызын толдырчатхан Наталья Дворяктың таниинаң, инвестор пӱӱнгi кӱнде хазнадағы паза региондағы хабазыға, налог льготаларына паза пасха хазналардаң тоғынӌыларны тартар оңдай парына хайығ айландырған. Ху Маохун Хакасия делегациязын Хыдатсар хығырған, ол санда республиканың экспортнаң айғасчатхан идiнӌектерiне бизнес-миссия иртiрерге молӌаан паза хыдат идiнӌектерiне удур кил парарға полызар.
– Пiстiң регион Хыдат Чон Республиказынаң ынағ хайызығларны хайраллап халарына тудынча паза тастындағы экономика киреен алғыдарға тимде. Мындағ тоғазығлар полызиинаң пiс инвестор полар идiнӌектернi паза пiрiгicтернi проекттернең таныстырчабыс, олох туста прай сурығларға нандыр пирчебiс. Iдöк оңдайларны паза оларның чуртасха кирiлчеткенiн пос хараанаң кöрiп аларға полысчабыс, – таныхтаан Наталья Дворяк.
Сом экономика тилiзi министерствозының пресс-службазыни
Пн | Вт | Ср | Чт | Пт | Сб | Вс |
30 | 31 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 1 | 2 | 3 |