Чарых сағыстар толчалар
21.02.2024
Хабарлар
Наа чыл алнында Луганск Чон Республиказының Свердловск городында чуртапчатхан ікі хызыҷах София Алиферова паза Мария Ильина тиксі Россияда иртірілчеткен «Ёлка желаний» акцияда араласханнар. Пасха-пасха сӧбірелерде ӧсчеткен хызыҷахтар пір нимедеңер сағынғаннар ‒ Москвада пол килерге .
Софияның паза Марияның сағыстары пазылған сыбы ойнаҷағын Хакасия пазы Валентин Коновалов суурып алған. Ӱр ниместе республика устағҷызы оларны толдырған. Хызыҷахтарға сыйыхтарны паза алғыстас сӧстерін Свердловск муниципальнай округтың пазы Андрей Сухачев, администрация пазының орынҷызы Татьяна Мирошникова паза Хакасия пазының орынҷызы Сергей Комаров читіргеннер.
Акция араласчылары паза оларның іӌе-пабалары сыйыхтарға тың ӧрінгеннер. Улуғларға ідӧк билеттер алылған нооза.
‒ Хакасия правительствозына, Свердловсктың администрациязына паза пу улуғ тоғысты апарған кізілерге прай чӱреебіснең алғызыбысты читірчебіс, ‒ ӧрінізінең ӱлескен акция араласчызының іҷезі Анна Ильина.
Москвазар чорыхха сертификаттардаң пасха хызыҷахтарға тадылығ сыйыхтар читірілген. Февральның халғанҷы кӱннерінде олар хазнабыстың ӧӧн городынаң чағын танызарға парарлар.
Сомнар Свердловск г. паза Свердловск аймаа администрациязы пресс-службазыни
Автор :
Тимнеен Татьяна Кыштымова
Пн | Вт | Ср | Чт | Пт | Сб | Вс |
30 | 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | 31 | 1 | 2 | 3 |
Кӱн таңмазы
Хакасияда
Россияда
Тилекейде