Майнингнең айғасхан кізі туттырған
17.04.2024
Хабарлар
Хатығлас. Хакасияда чарытхы читірчеткен организацияа ӱрег ағылған ӱчӱн майнердең тоғыр уголовнай кирек азылған
Россия УФСБ-зының Хакасияҷа пӧлиинің материаллары хоостыра Хакасияҷа МВД-ның істезіг устанызы, Уголовнай кодексінің 165-ҷі статьязының ікінҷі чардығы хоостыра сайбағ иткен ӱчӱн, уголовнай кирек азылған. 1988 чылда тӧреен Ағбан чуртағҷызы, региондағы чарытхы читірчеткен организацияны алаахтырып, улуғ ӱрег ағылған. Істезіг органының азынада істезиинҷе, 2023 чылда Ағбан пилтірі аймаандағы Тазоба посёлоктағы чир участогында криптовалюта тоғынҷаң оборудование турғызылған паза майнинг фермазы тӧстелген. Чарытхы читірҷең организация пу орында уғаа кӧп чарытхы хорапчатханын сизін салған, че чирнің ээзі чарытхы ӱчӱн идінҷек чіли нимес, олаңай чуртағҷы чіли тӧлеҷең.
Чуртағҷы закон сайбап тудынған ӱчӱн чарытхы читірҷең организация 1,6 азыра миллион салковайға ӱреге кірген. Ирен тузаланған майнинг оборудованиезін пыластырыбысхан. Мындағ сайбағ ӱчӱн 5 чылға теере харибге чаап саларға айабастар.
Уголовнай кирек хоостыра істезіг узарадылча.
Сом интернеттең
Автор :
Хакасияҷа МВД-зы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде